కాంగ్రెస్‌ ఎమ్మెల్యే దుందుడుకు చర్య

Maharashtra Congress MLA Pours Mud On Engineer - Sakshi

ముంబై : మహారాష్ట్ర కాంగ్రెస్‌ ఎమ్మెల్యే నితేశ్‌ రాణా దుందుడుకు చర్యకు పాల్పడ్డారు. వినతి పత్రాలు ఇచ్చినా పట్టించుకోవడం లేదంటూ తన అనుచరులతో కలిసి ఓ ప్రభుత్వ ఇంజనీర్‌పై దాడి చేశారు. కంకావలి వద్ద ముంబై-గోవా హైవేపై ఏర్పడిన గుంతలను పరిశీలిస్తున్న క్రమంలో.. ఎమ్మెల్యే అక్కడికి చేరుకుని అతడిపై బురద పోసి తీవ్రంగా అవమానించారు. ఆనక బాధితుడిని బ్రిడ్జికి కట్టేసేందుకు ప్రయత్నించారు. ఇందుకు సంబంధించిన వీడియో ప్రస్తుతం వైరల్‌గా మారడంతో నితీశ్‌ రాణా తీరుపై తీవ్ర స్థాయిలో విమర్శలు వెల్లువెత్తుతున్నాయి. నితీశ్‌ రాణా కాంగ్రెస్‌ సీనియర్‌ నేత నారాయణ్‌ రాణా కుమారుడు.     

కాగా ఇటీవలి కాలంలో ప్రభుత్వాధికారులపై ప్రజాప్రతినిధుల దాడులు ఎక్కువవుతున్నాయి. మధ్యప్రదేశ్‌లో బీజేపీ ఎమ్మెల్యే ఆకాశ్‌ విజయ్‌వర్గారియా ఓ అధికారిని బ్యాట్‌తో చితక్కొట్టగా.. తెలంగాణలో ఎమ్మెల్యే తమ్ముడు మహిళా ఎఫ్‌ఆర్వోపై దాడి చేసిన సంగతి తెలిసిందే. ఈ నేపథ్యంలో పార్టీ అధిష్టానం వీరిరువురి మీద తీవ్ర ఆగ్రహం వ్యక్తం చేసింది. తాజాగా ఈ జాబితాలో కాంగ్రెస్‌ ఎమ్మెల్యే కూడా చేరడం గమనార్హం.

Read latest National News and Telugu News | Follow us on FaceBook, Twitter

Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి

Read also in:
Back to Top