ఐపీఎల్‌ ఫ్రాంచైజీ ఎస్‌ఆర్‌హెచ్‌ భారీ  విరాళం

SRH To Donate Rs 10 Crore Towards Coronavirus Relief Efforts - Sakshi

హైదరాబాద్‌: ఇండియన్‌ ప్రీమియర్‌ లీగ్‌(ఐపీఎల్‌) ఫ్రాంచైజీ సన్‌రైజర్స్‌ హైదరాబాద్‌ కరోనా వైరస్‌ కట్టడిలో భాగంగా తమ వంతు సాయాన్ని ప్రకటించింది. కరోనా నివారణ చర్యల్లో భాగంగా రూ. 10 కోట్లను విరాళంగా ఇవ్వనున్నట్లు ప్రకటించింది. ఈ మేరకు గురువారం తన అధికారిక ట్వీటర్‌ అకౌంట్‌లో విరాళం విషయాన్ని స్పష్టం చేసింది. కరోనాపై జరుగుతున్న పోరాటానికి తమ వంతు సాయంగా 10 కోట్ల రూపాయలను ఇవ్వనున్నట్లు తెలిపింది. (పీఎం కేర్స్‌కు యువీ విరాళం)

అయితే అది ఏ సహాయ నిధికి ఇస్తున్నారో కచ్చితంగా తెలపలేదు. దీనిపై సన్‌రైజర్స్‌ ఓపెనర్‌ డేవిడ్‌ వార్నర్‌ సైతం స్పందించాడు. సన్‌టీవీ గ్రూప్‌ మంచి పనికి నడుం బిగించడం హర్షణీయమని వార్నర్‌ తన ట్వీటర్‌ అకౌంట్‌లో  పేర్కొన్నాడు. ఇప్పటికే పలువురు క్రికెటర్లతో పాటు బీసీసీఐ కూడా తమ విరాళాన్ని ప్రకటించిన సంగతి తెలిసిందే. యువరాజ్‌సింగ్‌ రూ. 50 లక్షలు,  రోహిత్‌ శర్మ రూ. 80 లక్షలు, సచిన్‌ టెండూల్కర్‌ రూ. 50 లక్షలు, విరాట్‌ కోహ్లి దంపతులు రూ. 3 కోట్ల విరాళాన్ని ఇచ్చారు. 

Read latest Sports News and Telugu News | Follow us on FaceBook, Twitter

Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి

Read also in:
Back to Top