ఆరేళ్ల బాలికపై బాలుడు లైంగిక దాడి

Six Year Girl Molestation By 15 Year Old Boy In Kurnool District - Sakshi

ఆలస్యంగా వెలుగు చూసిన ఘటన

పోలీసులను ఆశ్రయించిన చిన్నారి తల్లిదండ్రులు 

కోవెలకుంట్ల (కర్నూలు జిల్లా): ఓ బాలుడు..ఆరేళ్ల బాలికపై లైంగిక దాడికి ఒడిగట్టాడు. కర్నూలు జిల్లా సంజామల మండలం గిద్దలూరు గ్రామంలో ఈ ఘటన ఆలస్యంగా వెలుగు చూసింది. గురువారం ఎస్‌ఐ తిమ్మారెడ్డి అందించిన సమాచారం మేరకు.. గ్రామానికి చెందిన ఓ చిన్నారి తల్లిదండ్రులు వ్యవసాయ, ఉపాధి పనులు చేసుకుంటూ జీవనం సాగిస్తున్నారు. ఇందులో భాగంగా ఈ నెల 2న గ్రామానికి చెందిన ఓ రైతు పొలంలో కూలీ పని చేసేందుకు వెళ్లారు. (చదవండి: కాలువలో 8 కిలోమీటర్లు కొట్టుకుపోయి..)

ఈ దంపతుల ఆరేళ్ల చిన్నారి ఇంటి వద్ద ఆడుకుంటుండగా ఇంటి పక్కనే పదో తరగతి చదువుతున్న 15 ఏళ్ల బాలుడు.. బిస్కెట్లు, చాక్లెట్ల ఆశ చూపి బాత్‌రూంలోకి ఎత్తుకెళ్లి అత్యాచారానికి పాల్పడ్డాడు. అప్పటి నుంచి అనారోగ్యానికి గురైన బాలిక.. వారం రోజుల క్రితం జరిగిన ఘటనను గురువారం తల్లిదండ్రులకు తెలియజేసింది. దీంతో చిన్నారి తల్లిదండ్రులు సంజామల పోలీసులను ఆశ్రయించారు. ఈ మేరకు బాలుడిపై ఫోక్సో చట్టం, సెక్షన్‌ 376 కింద కేసు నమోదు చేసి వైద్య పరీక్షల నిమిత్తం బాలికను ఆసుపత్రికి తరలించినట్లు ఎస్‌ఐ తెలిపారు.   

Read latest Crime News and Telugu News | Follow us on FaceBook, Twitter

Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి

Read also in:
Back to Top